Մայքլ Սեյլոր․ Բիթքոյնը դառնում է ձանձրալի կրիպտոարժույթ

Ամերիկյան Strategy ընկերության գործադիր նախագահ Մայքլ Սեյլորը Coin Stories փոդքաստում պատմել է, որ Բիթքոյնի տատանումների նվազման պատճառով այն շատ շուտով կարող է դառնալ «ձանձրալի կրիպտոարժույթ»։

Նրա խոսքով՝ Բիթքոյնի նորարարությունները և դրա հիման վրա ստեղծվող նոր արտադրանքները դեռ գտնվում են վաղ փուլում, քանի որ շուկան շարունակում է զարգանալ։ «Թվային ոսկե տենդը կտևի տասը տարի՝ 2025-ից մինչև 2035։ Կստեղծվեն բազմաթիվ տարբեր բիզնես մոդելներ և արտադրանքներ։ Խնդիրը այն է, որ խաղի մեջ մտնում են խոշոր խաղացողները, իսկ տատանումները նվազում են։ Նրանք կարող են Բիթքոյնը դարձնել ձանձրալի, և մարդկանց ադրենալինի մակարդակը կնվազի», — ասել է բիզնեսմենը։

Միևնույն ժամանակ, Սեյլորի կարծիքով, սա նորմալ փուլ է Բիթքոյնի զարգացման ցիկլում, իսկ տատանումների նվազումը լավ նշան է ամբողջ ոլորտի համար։ Նա վստահ է, որ մոնետի արժեքի բարձրացումը անխուսափելի է։ Առաջին կրիպտոարժույթի պահանջարկը, ըստ նրա, շարունակելու է աճել անկախ առաջիկա տարիների և տասնամյակների մակրոտնտեսական սցենարներից, քանի որ համաշխարհային ֆինանսական համակարգը շարժվում է ամբողջական վերագործարկման ուղղությամբ։

Ավելի վաղ Մայքլ Սեյլորը խոստացել էր չդադարեցնել Բիթքոյնի գնումները և հայտարարել էր, որ կրիպտոշուկայում կհաղթի միայն նա, ով կուտակի առաջին կրիպտոարժույթից ամենաշատը։