Հոլիվուդում հայտարարեցին Բիթքոյնի մասին ֆիլմի՝ «Սատոշիին սպանել»-ի թողարկման ժամկետները։

Հոլիվուդյան ռեժիսոր Դագ Լայմանը (Doug Liman) հայտարարեց, որ հոկտեմբերին Լոնդոնում կսկսվեն «Սատոշիին սպանել» գեղարվեստական ֆիլմի նկարահանումները, որը պատմելու է Բիթքոյնի ստեղծման և դրա հեղինակի մասին։ Թրիլլերի պրեմիերան նախատեսված է 2026 թվականին։ Լայմանի խոսքով՝ սա կլինի դրամատիկ պատմություն «Դավիթն ընդդեմ Գողլիաթի» ոճով, որտեղ հակահերոսները բախվելու են հզոր ուժերի հետ, որոնք վերահսկում են փողերը և դրանց կառավարումը։ Պատմությունը ցույց կտա, թե ինչպես է  էլիտար  խումբը փորձում թաքցնել ճշմարտությունը կրիպտոարժույթի ծագման և դրա ստեղծողի ազդեցության մասին համաշխարհային ֆինանսների վրա։

Գլխավոր դերերը կկատարեն դերասաններ Քեյսի Աֆլեքը (Casey Affleck) և Փիթ Դևիդսոնը (Pete Davidson)։ Ֆիլմի պրոդյուսերը կլինի Ռայան Կավանոն (Ryan Kavanaugh),Relativity Media-ի նախկին ղեկավարը։ Կավանոն նշել է, որ այս գեղարվեստական նախագիծը պետք է դիտարկել որպես ուսումնասիրություն Բիթքոյնի ազդեցության մասին ժամանակակից տնտեսության վրա։ Այն կօգնի հանդիսատեսին ավելի լավ հասկանալ առաջին կրիպտոարժույթի պատմությունը և դրա ազդեցության հետևանքները համաշխարհային ֆինանսական համակարգի վրա։

Ավելի վաղ կրիպտոարժույթների մասնագիտացված իրավաբան Ջեյմս Մերֆին (James Murphy) դատի էր տվել ԱՄՆ Ներքին անվտանգության նախարարությանը՝ մեղադրելով այն Բիթքոյնի ստեղծող Սատոշի Նակամոտոյի ինքնությունը թաքցնելու մեջ։